Dil ne kuch yun kaha,
aur main sab chor kar nikal pada,
is shahar ke kuch kankad, kuch patthar,
aur kuch lamhoon ko bakshe me bharkar,
us shahar ki aur chal pada.
Sabne pucha,par kidhar chala,
kyun chala ?
dil ne aakhir aisa kya kaha?
Main kuch soch me pad gaya,
dil ki sacchi baatein kis kisse kehta,
har kisi ko ek naye kahani kah gaya.
Wo shahar bhi accha tha,log bhi bure na they,
naukri bhi acchi thi,zindagi bhi khoob thi.
Aur phir ?
Phir dil ne kuch yun kaha,
aur main sab chor kar nikal pada.
Kuch ne kaha ye ugta suraj tha,
ab to samjho dhal hi gaya,
ziddi saala apni zid me fisal gaya.
Kehne ka silsila kuch yun hi chala,
Ye udta parinda aasman me bhatak gaya,
shayad kisi ke pyaar me atak gaya.
Bahutoon ne bahut kuch kaha,
main bus mand mand muskaya,
sab unki suni,
kuch apni sunayee.
Aur phir ?
Phir dil ne kuch yun kaha,
aur main sab chor kar nikal pada.
Wo mujhe bees bahane gina raha tha,
jab main shahar chorkar ja raha tha,
wo mujhe katu muskaan de raha tha,
main muskakar sab sweekar raha tha.
Outlook magazine ke cover par likha tha,
"20 reasons to fall in love all over again with Mumbai city"
Main use do sau bahane gina sakta tha,
main bhi us daudti bhagti zindagi me laut sakta tha,
use, jise chaar saalon me khoob dekha hai,
jana hai, parkha hai, paya hai, samjha hai,
aur chaha bhi hai.
Aur Phir ?
Phir dil ne kuch yun kaha,
aur main sab chorkar nikal pada.
(I moved from Mumbai to Delhi, some 15 days back. And since then I am tired of telling everyone why I took this so called "suicidal" step. We all resist every kind of change...big or small. Isn't it ? Why is it so difficult to get out of that cocoon of life's comfort zone ? So, here it goes...Aur phir? )
(For updates you can share with your friends, follow IBNLive on Facebook, Twitter, Google+ and Pinterest)
More on IBNLive Right Now
MOST SHARED
PHOTOGALLERY
